2022-yil 30-mart kuni Toshkent davlat transport universiteti universiteti akademik litseyida Navro’z umumxalq bayramiga bag’ishlab “Assalom, Navro’z – yangilanish, mehr-oqibat va qadr-qimmat ayyomi!” nomli bayram sayli o’tkazildi. Tadbir avvalida litsey direktori M.T.Xasanova ochib berib, barchani Navro’z bayrami bilan tabriklab, hammani oilasiga tinchlik-xotirjamlik, o’quvchi-yoshlarni esa talaba bo’lish baxtiga erishishini ta’kidlab o’tdi. Tadbirda guruhlarning o’z viloyat va millati urf-odatlaridan kelib chiqib dasturxonda tortilgan milliy taomlaru, namoyish etilgan milliy liboslar, suratlar ko’rgazmasi, milliy sport o’yinlari tadbir ko’rkiga ko’rk qo’shdi. Litsey hovlisida tayyorlagan sumalak va milliy taom xalimning mazasidan mehmonlaru mezbonlar bahramand bo’lishdi. Bayramda har bir guruh viloyat va millat san’atidan kelib chiqib, laparlar, kelin salomlar, kuy-qo’shiq, diltortar raqslar namoyishini taqdim etdi. Tadbirda “Akademik litsey iftixori” stipendiantlari, “Eng namunali o’quvchi”, “Eng yaxshi milliy taomlar”, "Eng yaxshi milliy liboslar" g'oliblari esdalik sovg'alari bilan munosib taqdirlandi.