2022-yil 1-aprel kuni Toshkent davlat transport universiteti akademik litseyida o’quvchi-yoshlarni bo’sh vaqtini mazmunli va samarali tashkil etish, shoir, yozuvchi, taniqli insonlar bilan uchrashuvlar o’tkazish maqsadida Chilonzor hokimligi bilan hamkorlikda “Quvnoqlar va zukkolar” assotsatsiyasi rahbari U.Raxmonqulov, “Million” jamoasi a’zosi M.Nosirov, assotsatsiya a’zolari X.Raxmatov, A.Asrorxo’jayevlar bilan ochiq muloqot uchrashuvi o’tkazildi. Tadbirda “Quvnoqlar va zukkolar” faoliyatining kechagi, buguni va ertangisi haqidagi qiziqarli ma’lumotlar, kutilayotgan takliflar va ishlar assotsatsiya rahbari tomonidan aytib o’tildi. Shuningdek, bu yo’nalishda qiziquvchi o’quvchi-yoshlarga bilim olishi, mas’uliyatli bo’lishi, o’z ustida mehnat qilib yangilik yaratish va unga intilish uchun hech narsadan qaytmaslik qat’iy qarorini ta’kidlab o’tdi. Ochiq muloqotda ikki taraf o’rtasida qiziqarli, bahs-munozarali savol-javoblar bo’lib o’tdi.