2022-yil 2-aprel kuni Toshkent davlat transport universiteti akademik litseyida Toshkent davlat transport universiteti “O’zbek (rus) tili” kafedrasi tomonidan o’quvchi-yoshlarni bo’sh vaqtini mazmunli o’tkazish maqsadida Maqsud Shayxzoda hayoti va ijodini yanada chuqurroq o’rganish va o’rgatish uchun universitetdagi Maqsud Shayxzoda nomidagi stipendiya sohiblari bilan uchrashuv o’tkazildi. Uchrashv davomida stipendiya sohiblari L.Amonova, D.Axmedova, Z.Pardaboyevlar asli Ozarbayjon farzandi bo’lib, o’zbek adabiyotiga katta hissa qo’shgan adib hayoti va ijodi, yozgan asarlari, tarjimalari haqida batafsil ma’lumot berdi. Shuningdek, Shayxzodaning insonparvarligi, vatanparvarligi, saxovatliligi, ayniqsa, o’qish davrida tanaffuslarda talabalarni o’z hisobidan ovqatlantirgani, kam ta’minlanganlarga usti bosh olib berganligi haqidagi qiziq ma’lumotlar ham aytib o’tildi. O’quvchi-yoshlar o’zlarini qiziqtirgan savollarga javob oldi.