2022-yil 7-may kuni Toshkent davlat transport universiteti akademik litseyida 9-may Xotira va qadrlash kuniga bag’ishlab “Inson aziz – xotira muqaddas” mavzusida badiiy tadbir o’tkazildi. Tadbirni akademik litsey direktori M.T.Xasanova ochib berib, barchani xotira bayrami bilan tabriklab, tinch yurtda yashayotganligimizga shukur qilish kerakligini ta’kidlab o’tdi. Tadbir davomida urush yillarini eslatuvchi kuy-qo’shiqlar, ash’orlar, ajoyib raqslar, Shomahmudovlar oilasining jasoratiga bag’ishlangan sahna ko’rinishlari, sport, harbiy chiqishlar o’quvchilar tomonidan mahorat bilan namoyish etildi. O’tib ketgan aziz insonlarni xotirlash, ular haqqiga duo qilish, bugungi tinchlikning qadriga yetish o’zbek xalqiga xos bo’lgan azaliy an’analardan hisoblanadi.