2022-yil 3-iyun kuni TDTrU akademik litseyida transport universiteti bilan hamkorlikda “Professor-o’qituvchilar va yoshlar” mavzusida tadbir o’tkazildi. Tadbirni akademik litsey direktori M.T.Xasanova ochib berib, o’quvchi-yoshlarni o’zi tanlagan yo’nalishi bo’yicha universitet fakultetlariga o’qishga kirishlariga omadlar tiladi. Tadbir avvalida universitet hayotiga bag’ishlangan videorolik namoyishi taqdim etildi. So’ng universitetning “Temir yo’l transport muhandisligi” fakulteti dekan o’rinbosari A.Sotiboldiyev, marketing bo’limi boshlig’i M.Haydarovlar universitet tarixi, u yerda yaratilgan shart-sharoitlar, imtiyozlar, ta’lim olish talablari, xorijiy davlatlar bilan aloqalari bo’yicha batafsil ma’lumotlarni o’quvchi-yoshlarga yetkazdi. Tadbir savol-javob tarzida juda qiziqarli o’tdi. Shuningdek, tadbirni ikkinchi qismida litsey foyesida transport sohasiga oid maket, eksponatlar, ko’rgazmali qurollar namoyishi va tahlili mutaxassislar tomonidan olib borildi. O’quvchilar qiziqtirgan savollariga javob oldi.