2022-yil 14-fevral Toshkent davlat transport universiteti akademik litseyida “G’azal mulkining sultoni” Mir Alisher Navoiy hamda buyuk sarkarda va shoir Zahiriddin Muhammad Boburning tavallud kunlariga bag’ishlab, “Navoiy va Bobur merosi – bebaho ma’naviy xazina” mavzusida badiiy tadbir o’tkazildi. Tadbirni akademik litsey direktori M.T.Xasanova ochib berib, Navoiy va Bobur ijodining zalvori, asarlarining mazmun-mohiyati, yoshlar tarbiyasida adiblar ijodining o’rni va ahamiyati xususida gapirib o’tdi. Tadbirda Avg’oniston Saripul oliygohi, o‘zbek tili o‘qituvchisi Mo‘hammad Yasin Yoldash tabdir mehmoni bo’lib, Navoiy va Bobur hayoti va ijodi, ularning asarlari, ruboiylarining falsafiy xususiyatlari haqida sof o’zbek tilida bayon qilib, tomoshabinlarning olqishiga sazovor bo’ldi. Tadbirda Navoiy va Bobur ijodiga bag’ishlangan sahna asarlari, g’azallar, ajoyib raqslar, kuy-qo’shiqlar o’quvchi-yoshlar tomonidan mahorat bilan ijro etildi. Ayniqsa, Navoiy va Guli o’rtasidagi monolog barchada katta taassurot qoldirdi