2022-yil 28-fevgral kuni Toshkent davlat transport universiteti akademik litseyida O‘zbekiston Xalqaro Islom akademiyasi mutaxassislari tomonidan “JAHOLATGA QARSHI MA’RIFAT” mavzusida badiiy tadbir o’tkazildi. Tadbirni YOBIBDO‘ A.Ikromov ochib berib, har bir insonni jaholatdan, botqoqlikdan qutqaruvchi kuch bu ma’rifat ekanligini ta’kidlab o‘tdi. So‘ng O‘zbekiston Xalqaro Islom akademiyasi tayanch doktoranti Jaloliddin Bo‘riyev hamda o’qituvchi Yorqin Shukurovlar so‘zga chiqib bugungi kundagi jaholat botqog‘iga bilib-bilmay kirib ketayotgan yoshlarning taqdiri, ertangi kelajagi yomon oqibatlar bilan tugashini hayotiy misollar orqali gapirib o‘tdi. Bugungi tinch yurtda yashab turib, ta’lim-tarbiya berayotgan ota-onalarning, ustozlarning mehnatini qadrlab, ilm olishlari uchun esa barcha shart-sharoitlar yaratib qo‘yilganligi, unga javoban ham ilmiy, ham dunyoviy, ham diniy tomondan bilim berayotgan ustozlardan ko’proq ilm olishlarini ta’kidlab o‘tdi. Tadbirda o’quvchilar o’zlarini qiziqtirgan savollariga mutaxassislar tomonidan javoblar oldi.