2022-yil 28-fevral kuni Toshkent davlat pedagogika universiteti hamda Toshkent davlat transport universiteti akademik litseyi bilan hamkorlikda “Zakovat” intellektual to‘garagi universitetning “Maktabgacha ta’lim” fakulteti talabalari o’rtasida ko’tarinki kayfiyatda o’tkazildi. To’garakni transport univerisiteti akademik litseyi YBIBDO‘ A.T.Ikromov olib bordi. O’yinda 9 ta jamoa ishtirok etdi. Jumladan, “Kelejak investorlari” (101-guruh, MT), “Orzu” (102-gr, MT), “Adolat” (103-gr, MT), “Intellekt” (104-gr, MT), “Everest” (105-gr, MT), “TDPU yoshlari” (106-gr, MT), “Evrika” (101-gr, MPT), “Info” (102-gr, MPT), “Zulfiyaxonim qizlari” (103-gr, MPT) jamoalari saralash o’yinida faol ishtirok etdi. “Zakovat sandiqcha”si raundidagi savolga ya’ni sandiqcha ichida “arqon”  borligini “Intellekt” hamda “Zulfiyaxonim qizlari” jamoasi bilimdonlari to’g’ri topib, jamoasiga 1 ochkoni olib keldi. O’yin natijalariga ko’ra eng ko’p ochko to’plagan quyidagi jamoalar final yo’llanmasini qo’lga kiritdi. 
1-o’rin: “Zulfiyaxonim qizlari” (15 ochko);
2-o’rin: “Intellekt” (14 ochko);
3-o’rin: “Adolat” (8 ochko).