“OLAM NURGA TO’LSIN SEN BILAN, NAVRO’Z!” TADBIRI JARAYONIDAN
2024-yil 16-mart kuni TDTrU akademik litseyida karnay-surnay sadolari ostida Umumxalq Navro’z bayrami munosabati bilan “Olam nurga to’lsin sen bilan, Navro’z!” tadbiri bo’lib o’tdi.
Tadbirda Transport universiteti prorektorlari S.Sanatovich, D.Xamidullayevich, muassasa rahbari M.Turayevnalar barchani Navro’z bayrami bilan samimiy tabrikladi.
“Akademik litsey iftixori” stipendiantlari mas’ul rahbarlar tomonidan munosib taqdirlandi.
Tadbirda IIV Qorovul qo’shinlari harbiy orkestri hamda ansambl jamoasi ham ishtirok etib, diltortar kuy-qo’shiqlari bilan barchani xushnud ayladi.
Litsey o’quvchilari tomonidan tayyorlangan har bitta badiiy chiqishlarning zamirida Navro’z shukuhi, qadriyatlar jilosi, shukronalik tuyg’usi mujassamligi o’z aksini topdi.
Tinch va osoyishta yurtimizda mana shunday Navro’z shukuhi davom etaversin.
Barcha-barchaga o’z minnatdorchiligimizni bildiramiz.