“OCHIQ ESHIKLAR” KUNIDA 9-SINF BITIRUVCHILARINING FAOL ISHTIROKI
2024-yil 7-may TDTrU akademik litseyida Prezidentimizning PQ-4910-qarori asosida “Iqtidorli yoshlarni aniqlash, ularni akademik litseylarga saralab olish...” maqsadida “Ochiq eshiklar” kuni amalga oshirildi.
Tadbirda Shayxontohur tumanidagi 84, 85 hamda 115-maktablarining 9-sinf bitiruvchilari mas’ullar ko'magida ishtirok etdi.
Akademik litseyda mavjud yo’nalishlar, imtihonlar jarayoni, maktab-litsey o’rtasidagi farqli tomonlar, to’garak va qo’shimchalar faoliyati, joriy qilinayotgan bir tizimli forma haqidagi ma’lumotlar maktab bitiruvchilarga yetkazildi.
Litseyning ixtirochi o’quvchilari tomonidan yaratilgan eksponatlar mualliflar ishtirokida amaliyotda ko'rsatildi va laboratoriya mashqlarini fan o'qituvchilari namoyish etdi.
Matematika va ingliz tili fanlaridan turli musobaqalar o’tkazildi va faol ishtirok etgan maktab o’quvchilari esdalik sovg’alari bilan taqdirlandi.