2022-yil 12-may kuni Toshkent davlat transport universiteti akademik litseyida o’quvchilarining bo’sh vaqtini mazmunli o’tkazish, ularni iste’dodlarini ro’yobga chiqarish va rag’batlantirish maqsadida ilk bora tashkil etilgan “AKTYOR” tanlovining FINAL bochqichi ko’tarinki kayfiyatda o’tkazildi. Tadbirni litsey direktori M.T.Xasanova ochib berib, san’atni yaxshi ko’rgan, ayniqsa, qo’shiq san’atiga mehr qo’ygan insonlardan yomonlik chiqmasligini ta’kidlab, barcha ishtirokchilarga omad tiladi. Final yo’llanmasini qo’lga kiritgan 7 nafar ishtirokchi o’z chekiga tushgan xonanda obrazini juda chiroyli va mahorat bilan ijro etdi. Ayniqsa, Timati, Grigoryan Leps, Ortiq Otajonov, “Ummon” guruhi obrazlarini olib chiqqan o’quvchilar tomoshabinlarning olqishiga sazovor bo’ldi. Bunday ko’rik-tanlov va to’garaklarning bardavomligi o’quvchilarning iste’dodini, aktyorlik mahoratini yanada yuzaga chiqarishiga xizmat qiladi. Tanlov so’ngida barcha ishirokchilar diplom, esdalik sovg’alari bilan taqdirlandi.